وزارت خزانہ سے جاری بیان کے مطابق عوام کو زیادہ سے زیادہ ریلیف فراہم کرنے کے لیے حکومت نے بین الاقوامی مارکیٹ میں ہونے والا پیٹرولیم مصنوعات کی قیمتوں میں اضافہ خود برداشت کرنے کا فیصلہ کیا ہے۔
وزارت خزانہ نے پیٹرولیم مصنوعات کی قیمتوں کا نوٹیفکیشن جاری کر دیا جس کے مطابق ڈیزل کی قیمت میں 4 روپے اضافہ کیا گیا ہے۔
نوٹیفکیشن کے مطابق ڈیزل کی قیمت چار روپے اضافے کے بعد 105 روپے 43 پیسے مقرر کی گئی ہے۔ جبکہ آئندہ 15 روز کے لیے پیٹرول، مٹی کے تیل اور لائٹ ڈیزل آئل (ایل ڈی او) کی قیمتیں برقرار رہیں گی۔
The Government of Pakistan in its endeavour to provide maximum relief to the public has decided to absorb most of the increase in international prices of petroleum products. The prices of Petrol, Kerosene & Light Diesel Oil would remain the same. pic.twitter.com/oxgzvNVOw4
— Ministry of Finance (@FinMinistryPak) November 30, 2020
نوٹیفکیشن کے مطابق مٹی کے تیل اور لائٹ ڈیزل کی قیمت میں بھی کوئی اضافہ نہیں کیا گیا جب کہ نئی قیمتوں کا اطلاق آج رات 12 بجے سے ہو گا۔
خیال رہے کہ آئل اینڈ گیس ریگولیٹری اتھارٹی (اوگرا) نے یکم دسمبر سے 15 روز کے لیے پیٹرول 2 روپے 50 پیسے فی لیٹر مہنگا جب کہ ڈیزل کی قیمت بھی 2 روپے50 پیسے تک بڑھانے کی سفارش کی تھی۔
Post a Comment
اگر آپ کو کچھ کہنا ہے تو ہمیں بتائیں