وزیر اعظم عمران خان کا کہنا ہے کہ پاکستان آج بھی اسرائیل کوتسلیم نہ کرنے کے اپنے موقف پر قائم ہے۔
لاہور میں میڈیا سے گفتگو کرتے ہوئے وزیر اعظم عمران خان کا کہنا تھا کہ قائداعظم کا موقف تھا کہ جب تک فلسطین کو حق نہیں ملتا تب تک پاکستان اسرائیل کو تسلیم نہیں کرے گا۔
"مسئلہ فلسطین کے حل تک اسرائیل کو تسلیم کرنا خارج ازامکان ہے"
— Prime Minister's Office, Pakistan (@PakPMO) November 25, 2020
وزیر اعظم عمران خان، لاہور میں میڈیا نمائندگان سے گفتگو pic.twitter.com/OAxOzKBsKr
عمران خان نے کہا کہ پاکستان آج بھی اسرائیل کوتسلیم نہ کرنے کے اپنے موقف پر قائم ہے۔
انہوں نے کہا کہ ہماری حکومت کی سب سے بڑی کامیابی خارجہ پالیسی ہے۔ جدھر آج پاکستان کھڑا ہے 50 سال پہلے بھی یہ پوزیشن نہیں تھی۔
وزیر اعظم نے کہا کہ امریکہ پہلے ڈومور کا کہتا تھا، آج امریکہ بھی پاکستان کی تعریف کر رہا ہے۔ امریکہ اور طالبان کے درمیان ہم نے مذاکرات کروائے۔
عمران خان نے مزید کہا کہ سعودی عرب، ایران اور ترکی سے ہمارے اچھے تعلقات ہیں۔
Post a Comment
اگر آپ کو کچھ کہنا ہے تو ہمیں بتائیں