بین الاقوامی ذرائع ابلاغ کے مطابق امریکا کی نو منتخب نائب صدر کما لا ہیرس نے سماجی را بطے کی ویب سائٹ ٹوئٹر جاری اپنی ٹوئٹ میں لکھا کہ وہ امریکا کے نو منتخب صدر جوبائیڈن کے ساتھ مل کر اپنے ملک کو عالمی کورونا وائرس سے بچائیں گی۔
Too many people are grieving the devastating loss of a loved one due to COVID—many of whom were forced to die alone. It shouldn’t have to be that way. On day one, @JoeBiden and I will act to get this virus under control and save American lives.
— Kamala Harris (@KamalaHarris) November 13, 2020
انھوں نے کہا کہ امریکا میں بہت سے لوگوں نے عالمی وبا کورونا وائرس کی وجہ سے اپنے پیاروں کو کھویا ہے، میں کہتی ہوں کہ ایسا بالکل نہیں ہونا چاہیے تھا۔
واضح رہے کہ اس سے قبل کمالا ہیرس نے ٹوئٹرپر اپنے شوہر کے ہمراہ ایک خوبصورت تصویر شیئر کی تھی۔
انھوں نے لکھا کہ میری زندگی کی محبت سے ملیے۔
Meet the love of my life, @DouglasEmhoff. pic.twitter.com/YrhpWqI4bR
— Kamala Harris (@KamalaHarris) November 9, 2020
کمالا ہیرس امریکا کی پہلی خاتون، سیاہ فام اور جنوبی ایشیاء سے تعلق رکھنے والی شخصیت ہیں جو نائب صدر منتخب ہوئی ہیں۔
دنیا کا کوئی خطہ کورونا وائرس کی موذی وباء سے محفوظ نہیں، اس کے مریضوں اور اموات میں مسلسل اضافہ جاری ہے۔
دنیا بھر میں کورونا وائرس سے متاثرہ افراد کی تعداد 5 کروڑ 30 لاکھ 91 ہزار 981 تک جا پہنچی ہے جبکہ اس موذی وائرس سے ہلاکتیں 12 لاکھ 99 ہزار 407 ہو گئیں۔
کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا پہلے نمبر پر ہے جہاں اس وائرس سے اب تک 2 لاکھ 48 ہزار 585 افراد موت کے منہ میں پہنچ چکے ہیں ۔
کورونا وائرس کے امریکا میں 38 لاکھ 97 ہزار 231 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں۔
Post a Comment
اگر آپ کو کچھ کہنا ہے تو ہمیں بتائیں