اسلام آباد: ترکی کے معروف شیف اور سیاح بورک ازدیمیر نے آج اسلام آباد کی ایک پناہ گاہ کا دورہ کیا جہاں انہوں نے وہاں پر مقیم لوگوں کے لیے نہ صرف کھانا بنایا بلکہ اپنے مخصوص انداز میں پیش بھی کیا۔
اس موقع پر وزیراعظم عمران خان کی معاون خصوصی برائے سماجی تحفظ اور احساس پروگرام کی چیئرپرسن ڈاکٹر ثانیہ نشتر بھی موجود تھیں اور انہوں نے پناہ گاہ میں موجود افراد کو کھانا پیش کیا۔
SAPM Dr. @SaniaNishtar has also joined @CznBurak as they serve meals at #Panagah in Islamabad. https://t.co/GkIak4BdQV pic.twitter.com/xRHs7triCM
— Imran Ghazali (@ImranGhazaliPK) October 31, 2020
کھانوں کی مختلف ترکیبوں پر عبور رکھنے والے ترک شیف نے تندور میں روٹیاں بھی لگائیں۔
بعد ازاں وہ پناہ گاہ میں موجود افراد کے ساتھ گھل مل گئے اور ان کے ساتھ بیٹھ کر کھانا بھی کھایا۔
یاد رہے کہ بورک ازدیمیر چار روزہ دورے پر آج پاکستان پہنچے ہیں۔
معروف شیف بورک ازدیمیر 3 نومبر تک پاکستان میں قیام کریں گے۔
ترک سیاح کی گورنر پنجاب چوہدری سرور سے ملاقات متوقع ہے۔ وہ پاکستانی کیثر الجہتی ثقافتوں کو دیکھیں گے اور آزاد کشمیر کا دورہ بھی کریں گے۔
قبل ازیں تُرک سیاح اور شیف بورک ازدیمیر کی جانب سے پاکستان آنے کا باقاعدہ اعلان کیا گیا تھا۔
Post a Comment
اگر آپ کو کچھ کہنا ہے تو ہمیں بتائیں