آرمی چیف جنرل قمر جاوید باجوہ کو کورہیڈ کوارٹرز راولپنڈی کے دورہ کے موقع پر ایل او سی کی تازہ صورتحال پر بریفنگ دی گئی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کورہیڈکوارٹرز راولپنڈی کا دورہ کیا جہاں پاک فوج کے سربراہ کو لائن آف کنٹرول کی تازہ صورتحال پر تفصیلی بریفنگ دی گئی اور انہیں فارمیشنز کی آپریشنل تیاریوں سے متعلق بھی آگاہ کیا گیا۔
ترجمان آئی ایس پی آر نے یہ بھی کہا کہ دورے میں آرمی چیف نے کشمیری عوام کے حوصلے و برداشت کو سراہا جبکہ پنڈی کینٹ میں ترقیاتی کاموں کی پیش رفت پر اطمینان کا اظہار کرتے ہوئے سول انتظامیہ کو بھی سراہا۔
اس موقع پر آرمی چیف جنرل قمر جاوید باجوہ نے کہا کہ لائن آف کنٹرول کے دونوں جانب کشمیری عوام کو بھارتی فوج کی فائرنگ کا سامنا ہے،
آرمی چیف جنرل قمر جاوید باجوہ کا راولپنڈی کور ہیڈکوارٹرز کا دورہ:آئی ایس پی آر
— PTV News (@PTVNewsOfficial) November 4, 2020
آرمی چیف کو ایل اوسی کی تازہ صورتحال اور آپریشنل تیاریوں پر تفصیلی بریفنگ
بھارتی افواج ایل او سی کے دونوں جانب جان بوجھ کر کشمیری عوام کو نشانہ بنا رہی ہیں، آرمی چیف pic.twitter.com/KeBm6jop1D
آئی ایس پی آر کے مطابق آرمی چیف نے بھارتی افواج کا نشانہ بننے والے کشمیری عوام کے جذبے کو سراہتے ہوئے کہا کہ پاک فوج کنٹرول لائن پر رہنے والوں کی سیکیورٹی یقینی بنائے گی۔
انہوں نے کہا کہ بھارتی فوج ایل اوسی پر آبادی کو جان بوجھ کر نشانہ بنا رہی ہے۔
آئی ایس پی آر کے مطابق آرمی چیف کو راولپنڈی چھاؤنی کے ترقیاتی کاموں سے آگاہ کیا گیا۔ آرمی چیف نے ترقیاتی کاموں پر پیشرفت اور سول انتظامیہ کی کارکردگی کو سراہا۔
Post a Comment
اگر آپ کو کچھ کہنا ہے تو ہمیں بتائیں