اسلام آباد: پاکستان میں تعینات جرمن سفیر برنارڈ شلاگلہک نے کہا ہے کہ ان کے ملک نے کورونا وائرس کے باعث سماجی اور معاشی اثرات پر قابو پانے کی کوششوں اور زیادہ سے زیادہ پائیدار مستقبل کے لئے اقدامات کے لئے پاکستان سے ہر ممکن تعاون کیا ہے۔
اے پی پی کو ایک انٹرویو میں سفیر برنارڈ نے بتایا کہ دونوں ملکوں کے درمیان کامیاب دوطرفہ تعلقات کئی دہائیوں پر محیط ہیں۔ انہوں نے کہا کہ اچھے پائیدار معاشی ترقی، موسمیاتی تبدیلی اور قابل تجدید توانائی کے شعبوں میں پچاس کروڑ یوروز سے زائد کا تعاون موجود ہے۔
انہوں نے کہا کہ جرمن حکومت نے وبا کےخلاف جنگ میں پاکستان کی مقامی حکومتوں سے تعاون بڑھانے کا فیصلہ کیا ہے۔ پاکستان میں معاشی سرگرمیوں کے فروغ کےلئے پانچ لاکھ یوروز فراہم کئے گئے ہیں جس سے مقامی سطح پر وبا کی وجہ سے پیدا ہونے والے معاشی اور سماجی اثرات کو کم کرنے میں مدد ملے گی۔
جرمن سفیر برنارڈ نے کہا کہ جرمنی افغان پناہ گزینوں کی میزبانی کرنے پر پاکستان کو ساٹھ لاکھ یوروز فراہم کرے گا جو صحت اور تعلیمی خدمات کے بہتری پر خرچ کئے جائیں گے۔
Post a Comment
اگر آپ کو کچھ کہنا ہے تو ہمیں بتائیں