اداکارہ ماہرہ خان نے انکشاف کرتے ہوئے بتایا ہے کہ ان کا دل سب سے پہلے بالی ووڈ اسٹار شاہ رخ خان پر آیا تھا۔
عالمی شہرت یافتہ اورلاتعداد ایوارڈزاپنے نام کرنے والی اداکارہ ماہرہ خان کے مداح دنیا بھرمیں موجود ہیں جوان کی اداکاری سے خوب محظوظ ہوتے ہیں۔
اداکارہ سے ایک انٹرویو کے دوران پوچھا گیا کہ ان کا دل سب سے پہلے دل کس پر اور کب آیا تھا جس پرانہوں نے کہا کہ سب سے پہلے دل بالی ووڈ اداکارشاہ رخ خان پرآیا تھا اوراس وقت وہ محض چھٹی جماعت میں تھیں۔
اداکارہ ماہرہ خان نے ایک انٹرویو کے دوران اہم رازوں سے پردہ اٹھایا ہے، انہوں نے اپنے بچپن کی بات بتاتے ہوئے کہا کہ بچپن میں والدہ ہینگر سے اُن کی پٹائی کیا کرتی تھیں۔
اُنہون نے بتایا کہ والد نے انہیں کبھی نہیں مارا لیکن والدہ دور بیٹھے اُن پر ہینگر کا نشانہ لیا کرتی تھیں۔
ماہرہ خان نے بتایا کہ کیونکہ وہ اور اُن کا بھائی بہت شرارتیں کرتے تھے اور اُن کی والدہ کو گھٹنوں کا مسئلہ تھا جس کی وجہ سے وہ ان کے پیچھے بھاگ نہیں سکتی تھیں، اسی لیے وہ دور سے ہی ہینگر یا کسی اور چیز کا نشانہ لے کر اُنہیں مارتی تھیں۔
ماہرہ خان نے انٹرویوکے دوران اپنی جاب سے متعلق بات کرتے ہوئے بتایا کہ انہوں نے سب سے پہلی نوکری ایک ڈیپارٹمینٹل اسٹورمیں ایک کیشیئرکی تھی اُس وقت اُن کی تنخواہ 6 ڈالر فی گھنٹہ تھی۔
اداکارہ سے انٹرویوکے دوران مزید پوچھا گیا کہ انہوں نے پہلی بار میک اپ کب کیا تھا جس پرانہوں نے کہا کہ جب وہ وی جے بنیں تھیں۔
Post a Comment
اگر آپ کو کچھ کہنا ہے تو ہمیں بتائیں