نجی نیوز کے مطابق انہوں ںے یہ بات حزب اسلامی افغانستان کے سربراہ گلبدین حکمتیار سے بات چیت کرتے ہوئے کہی جنہوں ںے ان سے آج ملاقات کی۔
چیئرمین سینیٹ نے معزز مہمان سے کہا کہ پاکستان افغانستان کے ساتھ دو طرفہ تعلقات کو بہت اہمیت دیتا ہے۔ انہوں ںے کہا کہ پاک افغان تعلقات مشترکہ تاریخی، ثقافتی اورمذہبی مماثلتوں پرمبنی ہیں۔
چیئرمین سینیٹ نے ملاقات میں باہمی تعاون کواقتصادی وپارلیمانی روابط کے ذریعے مستحکم کرنے کےعزم پرزور دیا اور کہا کہ پرامن و خوشحال افغانستان پاکستان کے وسیع ترقومی مفاد میں ہے۔
ذرائع کے مطابق چیئرمین سینیٹ نے کہا کہ پاکستان افغان امن عمل کی حمایت کرتا ہے۔ انہوں نے کہا کہ پاکستان نے چاردہائیوں تک لاکھوں افغان مہاجرین کو پناہ دی ہے۔
چیئرمین سینیٹ صادق سنجرانی نے بات چیت میں کہا کہ پاکستان تمام افغان مہاجرین کی باعزت واپسی پریقین رکھتا ہے۔
ذرائع کے مطابق چیئرمین سینیٹ نے گلبدین حکمتیار سے بات چیت میں کہا کہ پاکستان خطے میں امن، ترقی اور خوشحالی کا فروغ چاہتا ہے۔
Post a Comment
اگر آپ کو کچھ کہنا ہے تو ہمیں بتائیں