مولاناعادل خان کی نمازجنازہ ان کے بڑے بھائی مولانا عبیداللہ خالد نے پڑھائی۔ نمازجنازہ میں سیاسی ومذہبی جماعت کے رہنماؤں نے شرکت کی۔
اس موقع پر سیکیورٹی کے سخت انتظامات کیے گئے تھے۔ جامع کے اندر طلبہ اور اطراف میں پولیس کی سیکیورٹی تعینات کی تھی۔ مولانا عادل کو ان کے والد مولانا سلیم اللہ خان کے پہلو میں دفن کیا جائے گا
واضح رہے کہ مولانا عادل کو ڈرائیور سمیت 10 اکتوبر کی رات کو کراچی کے علاقے شاہ فیصل کالونی میں اس وقت ٹارگٹ کلنگ میں گولیاں مار کر شہید کیا گیا، جب مولانا عادل کا ایک ساتھی خریداری کیلئے گاڑی سے اترا اور اسی دوران موٹر سائیکل سوار ملزموں نے فائرنگ کر دی۔
وہ وفاق المدارس کے سربراہ مولانا سلیم ﷲ خان کے صاحبزادے، مہتمم جامعہ فاروقیہ کراچی اور رکن مجلس عاملہ وفاق المدارس العربیہ پاکستان بھی تھے۔ واقعہ کے بعد انہیں فوری طور پر اسپتال منتقل کیا گیا، تاہم وہ پہلے ہی دم توڑ چکے تھے۔
پولیس کے مطابق دہشت گردوں نے پیچھا کرکے حملہ کيا۔ واقعہ کی سی سی ٹی وی فوٹيج بھی سامنے آگئی ہے۔ سامنے آنے والی فوٹیج میں ملزم کو فائرنگ کرتے دیکھا جا سکتا ہے۔ واردات کی جگہ سے 9 ایم ایم کے 5 خول بھی برآمد کرلیے گئے ہیں۔
CCTV of molana Dr Adil Khan Murder pic.twitter.com/1zOQk3TTrH
— Saqib Sagheer (@saqibSJang) October 10, 2020
وزیراعظم عمران خان نے مولانا عادل خان کی موت پر افسوس کا اظہار کرتے ہوئے سماجی رابطے کی ویب سائٹ ٹویٹر پر اپنے پیغام میں کہا کہ بھارت پاکستان میں علما کی ٹارگٹ کلنگ سے شیعہ سنی فسادات پھیلانے کی کوشش کر رہا ہے۔
انہوں نے کہا کہ ہماری حکومت اس بات سے آگاہ ہے اور میں بارہا ٹی وی پر اس خدشے کا اظہار کرچکا ہوں، گزشتہ تین ماہ کے دوران بھارت سنی اور شیعہ علما کرام کی ٹارگٹ کلنگ کے ذریعے ملک بھر میں فرقہ وارانہ تصادم کرانے کی کئی کوششیں کرچکا ہے۔
عمران خان نے لکھا کہ تمام مسالک کے علما یقینی بنائیں کہ لوگ مذموم سازش کا شکار نہ ہوں، لوگ ملک کو غیرمستحکم کرنے کے لیے مذموم بھارتی سازش کا شکار نہ بنیں۔
انہوں نے کہا کہ ہم نے گزشتہ کئی ماہ میں ایسی کئی کوششوں کو روکا ہے، ہمارے انٹیلی جنس اور قانون نافذ کرنے والے ادارے مولانا عادل کے قاتلوں کو پکڑ لیں گے، تمام مکاتب فکر کے علما کرام اس بات کو یقینی بنائیں کہ لوگ پاکستان کو غیر مستحکم کرنے کی اس بھارتی مذموم سازش کا حصہ نہ بنیں۔
Condemnable targeted killing of Maulana Adil of Jamia Farooqia in Karachi this evening. My govt has known & I have repeatedly stated this on TV, since last 3 months India's attempts to target kill Aalims from Sunni & Shia sects to create sectarian conflict across the country. pic.twitter.com/HbhJ0o16zB
— Imran Khan (@ImranKhanPTI) October 10, 2020
Post a Comment
اگر آپ کو کچھ کہنا ہے تو ہمیں بتائیں