وزیراعظم عمران خان نے ٹوئٹ کرتے ہوئے کہا کہ پیر سے شروع ہونے والے آئندہ ہفتے ہماری حکومت اشیائے خور و نوش سستی کرنے کیلئے تمام ریاستی وسائل بروئے کار لائے گی، ہم پہلے ہی مہنگائی کے عوامل کا جائزہ لیتے ہوئے تعین کررہے ہیں کہ آیا رسد میں واقعی کمی ہے، یا پھر مافیا کی جانب سے ذخیرہ اندوزی و اسمگلنگ وغیرہ اس کا سبب ہے، یا دالوں اور پام آئل وغیرہ کی عالمی منڈی میں بڑھتی ہوئی قیمتیں اس کی وجہ ہیں۔
انہوں نے یہ بھی کہا کہ بہرحال آئندہ ہفتے سے ہم اپنی حکمتِ عملی نافذ کریں گے اور اداروں سمیت تمام ریاستی وسائل بروئے کار لاتے ہوئے اشیائے خورونوش کی قیمتوں میں کمی کیلئے اقدامات کا آغاز کریں گے۔
Starting Monday in coming week, our govt will use all the resources at the disposal of the state to bring down food prices. We are already examining causes of the price hikes: whether there is a genuine supply shortage or simply hoarding by mafias; smuggling, if any;
— Imran Khan (@ImranKhanPTI) October 10, 2020
ملک میں مہنگائی کی وبا کورونا سے زیادہ تیزی سے پھیل چکی ہے۔ پھل، سبزی، مرغی، گوشت، دودھ ، اجناس مہنگے داموں پر فروخت کیے جارہے ہیں، حکومت مہنگائی پر قابو پانے میں ناکام ہوگئی ہے۔ برسات کی وجہ سے سبزیوں کی فصل کی بربادی کو جواز بناکر گزشتہ ڈیڑھ ماہ سے سبزیاں منہ مانگے داموں فروخت ہورہی ہیں۔
واضح رہے کہ کورونا وائرس کے باعث معیشت کو پہنچنے والے دھچکے کی وجہ سے ملک میں مہنگائی کئی گنا زیادہ بڑھ چکی ہے، پھلوں، سبزیوں، گوشت، دودھ اور دیگر اجناس کی مہنگی داموں فروخت جاری ہے۔
Post a Comment
اگر آپ کو کچھ کہنا ہے تو ہمیں بتائیں