لاس انجلس: امریکی ڈرامہ سیریز ‘گیم آف تھرونز’ اور مقبول ترین فلمی سیریز ‘دی ایونجرز’ میں اداکاری کے جوہر دکھانے والی معروف امریکی اداکارہ ڈیانا رگ انتقال کرگئیں۔
غیرملکی خبررساں ادارے کی رپورٹ کے مطابق ڈیانا رگ 82 سال کی عمر میں چل بسیں، انہوں نے گیم آف تھرونز اور دی ایونجرز کے علاوہ جیمز بانڈ کی فلمی سیریز میں بھی کام کیا، اداکارہ نے اپنی صلاحیتوں کے ذریعے دنیا میں بڑا نام کمایا اور ہالی ووڈ انڈسٹری میں متعدد بڑے ایوارڈز بھی حاصل کیے۔
رپورٹ کے مطابق نامور اداکارہ کینسر کے مریض کا شکار تھیں جس کے باعث وہ 82 سال کی عمر میں انتقال کرگئیں۔
نامور اداکارہ ڈیانا رگ نے 1960 کی دہائی میں بننے والی ٹیلی ویژن سیریز ’دی ایونجرز‘ میں ایما پیل کے کردار سے شہرت حاصل کی، جس کے بعد کامیابی کا سلسلہ شروع ہوا، اداکارہ نے شاندار اداکاری پر ایمی، ٹونی اور بافٹا جیسے ایوارڈز اپنے نام کیے۔
اداکارہ نے 1969 میں جیمز بانڈ سیریز کی فلم ’On Her Majesty´s Secret Service ‘ میں اُن کی اہلیہ کا کردار بھی نبھایاا۔
Post a Comment
اگر آپ کو کچھ کہنا ہے تو ہمیں بتائیں