ریاض: سعودی لڑکے کی برطانوی لب ولہجے میں انگریزی بولنے کی ویڈیو سوشل میڈیا پر وائرل ہوگئی جس میں وہ سعودی عرب کے تاریخی اور یادگار مقامات کا تعارف کروا رہا ہے۔
تفصیلات سترہ سالہ سعودی لڑکے احمد مانع آل مشرف نجران میں ایک تاریخ مقام کا تعارف برطانوی لب ولہجے میں انگریزی میں کرا رہے تھے، انہیں اس بات کا علم نہیں تھا کہ کوئی ان کی ویڈیو بنا رہا ہے، ویڈیوز بنانے والے ایک سے زیادہ تھے جن میں سے کسی ایک نے ان کی ویڈیو سوشل میڈیا پر جاری کی جو تیزی سے وائرل ہوگئی۔
شاهد .. الشاب النجراني أحمد آل مشرف عمرة 17 عام يتحدث بلهجة بريطانية عن أحد معالم المنطقة الأثرية، واجهة مشرفة تستحق الدعم من الواجب على هيئة السياحة استثمار مثل هذه العقول .— سـالم آل كليب (@saeleem2874) September 4, 2020
#سلامتك_يالذهبي_بغلف pic.twitter.com/tlr28wwhAH
احمد سے جب ان کی انگریزی کی مہارت کے حوالے سے پوچھا تو انہوں نے بتایا کہ میرا بچپن برطانیہ میں گزرا اور وہاں پرائمری تک تعلیم حاصل کی انہوں نے بتایا کہ مجھے انگریزی سے گہرا لگاؤ تھا تاہم سعودی عرب اور برطانیہ کے ثفافتی ماحول کا فرق انگزیزی زبان بہتر انداز میں سیکھنے، سمجھنے میں رکاوٹ تھا۔
انہوں نے کہا کہ مجھے بڑی خوشی ہوئی کہ میرے انداز کو پسند کیا گیا، اب میرا عزم ہے کہ مستقبل میں نجران کے تمام اہم تاریخی مقامات کا معتبر، آسان اور دلچسپ تعارف تیار کر کے پیش کروں گا۔
سعودی لڑکے کا کہنا تھا کہ ثقافتی ورثے کے مقامات میرے نزدیک مٹی یا پتھر سے بنے مکانات سے زیادہ بہت کچھ ہیں، ان کی وجہ سے ہم اپنے بزرگوں کی زندگی اور ان کے طرز معاشرت سے واقفیت حاصل کرتے ہیں، انہیں دیکھ کر سمجھ آتی ہے کہ انہوں نے اپنے دور میں کس قسم کے چیلنجوں کا سامنا کیا۔
Post a Comment
اگر آپ کو کچھ کہنا ہے تو ہمیں بتائیں